ငပလီဒေသ သဘာဝပတ်ဝန်းကျင်ဆိုင်ရာကိစ္စရပ် အစိုးရိမ်အပူပန်ဆုံး အချက်ဖြစ်

ငပလီဒေသ သဘာဝပတ်ဝန်းကျင်ဆိုင်ရာကိစ္စရပ် အစိုးရိမ်အပူပန်ဆုံး အချက်ဖြစ်

အမှိုက်ကင်းစင်တဲ့ ကမ်းခြေဖြစ်လာရေး အကောင်အထည်ဖော်ရန် အချိန်ရောက်ရှိလာပြီဟု MCRB ထုတ်ပြန်

 ကောင်းမြတ်ကျော်  ရန်ကုန်။ မေ ၁၂

ငပလီကမ်းခြေ၏ ခရီးသွားလုပ်ငန်းနဲ့ ပတ်သက်ပြီး အစိုးရိမ်အပူပန်ဆုံး အချက်မှာ သဘာဝပတ် ဝန်း ကျင်ဆိုင်ရာကိစ္စဖြစ်ပြီး အမှိုက်ကင်းစင်တဲ့ ကမ်းခြေဖြစ်လာရေး အကောင်အထည်ဖော်ရန် အချိန် ရောက်ရှိ လာပြီဖြစ် တယ်လို့လည်း မြန်မာစီးပွားရေးကဏ္ဍ တာဝန်ယူမှုရှိရေး အထောက်အကူပြုဌာန (MCRB) က ထုတ်ပြန်လိုက်ပါတယ်။

ဟန်းဆိုင်ဒယ်ဖော်ဒေးရှင်း (HSF)၊ (MCRB) နဲ့ Myanmar Responsible Tourism Institute (MRTI) တို့ မေလ ၈၊ ၉ ရက်နေ့များတွင် ငပလီကမ်းခြေဒေသအတွက် ခရီးသွားလုပ်ငန်း ရည်ရှည်တည်တံ့ဖွံ့ ဖြိုးရေး ဒုတိယအကြိမ်အလုပ်ရုံးဆွေးနွေးပွဲတစ်ရပ် ပြုလုပ်အပြီး အခုလို ထုတ်ပြန်လိုက်တာလည်းဖြစ် ပါတယ်။

အဆိုပါ အလုပ်ရုံဆွေးနွေးပွဲကို ၂၀၁၆ခုနှစ် အတွင်းက ပထမအကြိမ် လုပ်ဆောင်ခဲ့ဖူးပြီး ယခု ဒုတိယ အကြိမ်မှာလည်း ပထမအကြိမ်က ဆွေနွေးခဲ့ကြသည့်အတိုင်း ငပလီဒေသ သဘာဝပတ်ဝန်းကျင်ဆိုင် ရာ ကိစ္စရပ်ကို အစိုးရိမ်အပူပန်ဆုံးအချက်အဖြစ် ရွေချယ်ခဲ့ကာ တက်ရောက်လာသူများရဲ့ ၃၉ရာခိုင် နှုန်းက ယင်းကိစ္စကို နံပါတ် ၁နေရာတွင် ပင်ဆက်လက် ရွေးချယ်ခဲ့ခြင်းဖြစ်သည်။ ယခင်နှစ်က ယင်း အချက်ကို ရွေးချယ်သူမှာ တက်ရောက်သူ၏ ၂၉ရာခိုင်နှုန်းရှိရာမှ မြင့်တက်လာခဲ့ခြင်းဖြစ်သည်ဟု လည်း ထုတ်ပြန်ချက်တွင် ဖော်ပြခဲ့သည်။

ထို့အပြင် “ မူဝါဒ နှင့် ဆုံးဖြတ်ချက်များချမှတ်ရာတွင် ဒေသခံပြည်သူများ ပါဝင်နိုင်မှုနည်းပါးခြင်း အ ချက်ကို တက်ရောက်လာသူများ ဒုတိယအများဆုံးဖြစ်တဲ့ ၁၆ရာခိုင်နှုန်းက အစိုးရိမ်ဆုံးအချက်အဖြစ် လည်း ဖော်ပြခဲ့ကြပြီး သဘာဝပတ်ဝန်းကျင်ဆိုင်ရာ စိုးရိမ်မှုများအနက် အမှိုက်ထိန်းသိမ်းခြင်း ဆိုင်ရာ ကိစ္စသည် အစိုးရိမ်ဆုံး ကိစ္စရပ်အဖြစ် ဆက်လက်ရှိနေကာ တက်ရောက်လာသူများ၏ ၁၈ ရာခိုင်နှုန်း အစိုးရိမ်ဆုံးကိစ္စရပ်အဖြစ် ဒုတိယနေရာတွင် ကမ်းခြေများမှ သဲထုတ် ယူနေမှုဖြစ်ကို ဆွေးနွေးခဲ့ကြ ကြောင်းလည်း သိရသည်။

အလုပ်ရုံဆွေးနွေးပွဲသို့ တက်ရောက်ခဲ့သည့် ဟိုတယ်နှင့် ခရီးသွား လာရေးဝန်ကြီးဌာန ပြည်ထောင်စု ဝန်ကြီး ဦးအုန်းမောင်ကလည်း ငပလီဒေသ ခရီးသွားလာရေးအတွက် ပိုမိုလာရောက်လည်ပတ်နိုင်ရေး လေဆိပ်နှင့် လေယာဉ်ပြေးလမ်းတိုးချဲ့ရေး အစီအစဉ်မတိုင်မှီတွင် အမှိုက်ကိစ္စသည် ပထမဦးစွာဖြေ ရှင်းရမည့် အရေးကြီးသည့် ကိစ္စတစ်ရပ်ဖြစ်ကြောင်း ပြောကြားခဲ့သည်။

ပြည်ထောင်စုဝန်ကြီးက “ ခရီးသွားလာရေးလုပ်ငန်းကို အရှည်တည်တံ့ရေး စီမံဆောင်ရွက်ရန်လိုအပ် ပါတယ်။ ထို့အတူ ဆိုးကျိုး သက်ရောက်မှုတွေကို လျော့ချနိုင်ပြီး ကောင်းကျိုးများပိုမိုဖြစ်ထွန်းစေရေး နဲ့ ငပလီကမ်းခြေဒေသကို လည်ပတ်၊ နေထိုင်ရန် ပိုမိုကောင်းမွန် တဲ့နေရာ တစ်ခုဖြစ်လာရေး အတူတကွ ပူးပေါင်းဆောင်ရွက်ရန် လိုအပ်ပါတယ်” ဟု ပြောကြားခဲ့သည်။

အဆိုပါ ဆွေးနွေးပွဲသို့ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင် တက်ရောက်ခဲ့သလို ရခိုင်ပြည်နယ်အစိုးရ အဖွဲ့ဝင် ဝန်ကြီးများ၊ ပြည်နယ် လွှတ်တော်ကိုယ်စားလှယ် များ၊ မြန်မာနိုင်ငံ ဟိုတယ်လုပ်ငန်း ရှင်များအသင်း ဥက္ကဋ္ဌ နှင့် ဟိုတယ်လုပ်ငန်းရှင်များ၊ မန်နေဂျာများ၊ စားသောက်ဆိုင်၊ ဈေးဆိုင်ပိုင်ရှင်များ၊ ဒေသခံပြည်သူများ၊ သဘာဝ ပတ်ဝန်းကျင်ဆိုင်ရာ ကျွမ်းကျင်သူ များနှင့် အရပ်ဖက်အဖွဲ့အစည်းများမှ ကိုယ်စားလှယ်များ စုစုပေါင်း လူဦးရေ ၈၀ဦးခန့်တက်ရောက် ဆွေးနွေး ခဲ့ကြသည်။

MCRB ၏ ဒါရိုက်တာဖြစ်သူ ဗစ်ကီဘိုမန် က “ အမှိုက်ကိစ္စကို ကိုင်တွင်ဖြေရှင်းနိုင်ရေးသည် လူတိုင်း၏ တာဝန်ဖြစ်ရာ အမှိုက်ကင်းစင်သည့် ငပလီကမ်းခြေဖြစ်လာရေးအတွက် အဆိုပါ ရခိုင်ပြည်နယ်အစိုးရ ဖွဲ့စည်းထားသည့် ကော်မတီများသည် ဒေသရှိ စီးပွားရေးလုပ်ငန်းလုပ်ကိုင်သူများနှင့် နေထိုင်သူများ နှင့် အတူ နီးနီးကပ်ကပ်လုပ်ဆောင်ရန် လိုအပ်ပါတယ်။ အဆိုပါ အများပါဝင်ရန် လိုအပ်သည့် အချက် ကို အလေးထားသည့်အနေနဲ့ အလုပ်ရုံဆွေးနွေး ပွဲတက်ရောက်သူများက ဥပမာ ဟော်တယ်များက ပလပ်စတစ်အိတ်နှင့် ပလပ်စတစ်ရေသန့်ဗူးများ သုံးစွဲမှုလျော့ချရေး၊ ကျောင်းများတွင် အမှိုက်ပုံး များ ထားရှိပေးခြင်းနှင့် ပညာပေးလုပ်ငန်းများ လုပ်ဆောင်ခြင်းနဲ့ ဒေသတွင်း ဥပဒေများပြင်ဆင်ရေးဆွဲရေး၊ တရားဥပဒေစိုးမိုးရန် လိုအပ်နေမှုများအပါအဝင် အမှိုက်ပစ်မှုေ လျာ့နည်းစေရေး တစ်ဦးခြင်းလုပ်ဆောင် နိုင်သည့်အချက်များကို ကတိကဝတ်ပြုခဲ့ပါတယ်။ MCRB ၊ HSF ၊ MRTI တို့ကလည်း Jade Marina Hotel နဲ့ ပူးပေါင်းကာ အလုပ်ရုံဆွေးနွေးပွဲတွင် တက်ရောက် လာသူများအတွက် ရေသန့်ဗူးသေးများ ထားရှိပေးခြင်း အစား ရေကရားများ ထား ရှိစေခြင်းဖြင့် ရေသန့်ဗူးအနည်းဆုံး ဗူး ၂၀၀ ခန့် ပလပ်စတစ် အမှိုက် ထွက်ပေါ်လာခြင်းကို လျော့ချကာ ကနဦး အစပျိုးလုပ်ဆောင်စေ ခဲ့ပါတယ်” ဟု ပြောဆိုခဲ့သည်။

ငပလီစည်ပင်သာယာရေးကော်မတီ ဥက္ကဋ္ဌ ဦးစောလွင်ကလည်း လွန်ခဲ့သည့် သတင်းပတ်က ၄င်းတို့ ကော်မတီအနေဖြင့် အမှိုက်ပုံနေရာအတွက် မြေ ၃ဧက ဝယ်ယူထားပြီးဖြစ်ကြောင်းနှင့် အမှိုက်ကိစ္စဖြေ ရှင်းနိုင်ရေးအတွက် လက်တွေ့လုပ်ဆောင် သည့်အနေအထားများ အခက်အခဲများကို တင်ပြဆွေးနွေးခဲ့သည်။

အဆိုပါ အလုပ်ရုံဆွေးနွေးပွဲတွင် ကမ်းခြေမှ သဲများ ထုတ်ယူနေမှုကိစ္စရပ် တိုက်ဖျက်ရေးနဲ့ ဒီရေတော ထိန်းသိမ်းရေးကိစ္စရပ်များကဲ့သို့သော အခြားသော သဘာဝပတ်ဝန်းကျင်ဆိုင်ရာ ကိစ္စရပ်များကိုလည်း ဆွေးနွေးခဲ့ကြသလို guest house များ၏ လိုင်စင်ကိစ္စများ၊ လူ့စွမ်းအားအရင်းအမြစ်မြှင့်တင်ပေးရေး ဆိုင်ရာ ကိစ္စရပ်များ၊ ခရီးသွားဒေသ စီမံကိန်းရေးဆွဲရေးနှင့် ခရီးသွားလုပ်ငန်း စီမံခန့်ခွဲခြင်းဆိုင်ရာ အကြောင်းအရာများကိုလည်း ဆွေးနွေးခဲ့ကြကြောင်းလည်း MCRB မှ သိရသည်။

ဓာတ်ပုံ - အင်တာနက်

 
 
 
 
+2